مين يفرح للعريس مبارك ؟؟؟

العريس (الوريث) والعروسة
بعد التعديلات الدستورية
(وما ادراك ما التعديلات الدستورية ؟؟ )
وبعد ما فرشنا الارض سجاد علشان الوريث الشاب (43 سنة ) يتقدم الى كرسى العرش خلفا لمبارك الكبير .
بعد ما الغينا الاشراف القضائى والحمد الله
وبعد ما عملنا قانوان الارهاب اللى هيوريك النجوم فى عز الظهر ومش هتقدر تغمض عنيك
وبعد ما عملنا قانون حبس الصحفين الجديد وكل صحفى بيعلى صوتة بنرفع عليه قضية سب وقذف وندفعه مبلغ وقدرة
وبعد ما قضينا على الاحزاب وبقت مكاتب مكيفة بالهواء
وبعد ما خلينا كل اللى يعارض بجد (محظور ) والتعامل معاه رجس من عمل الشيطان الرجيم
اتبقى ايه بقة ؟؟؟
مش نكتب الكتاب ونعلى الجواب ونفرح بقى يومين قبل بعد الشر بعد الشر ما الراجل الكبير (يتكل )
وبعدين عشان يبقى جمال رئيس لازم يكون (مجوز ) وفاتح بيت عشان يعرف (يفتح بلد ) ويتحمل المسئولية .
ويتعود بقى على انه يعمل ميزانية للبيت وعلى انه يوفر ويحوش ويدخل جمعيات ويعلم العيال ويشوف طلباتهم والحاجات دى
مش لازم يعنى ياخد دورة تدريبية
عشان كدا قرر السيد الرئيس حفظة الله ورعاه لشعب مصر
ان السيد الوريث يكتب الكتاب يوم 28/4/2007 فى القاهرة والفرح ان شاء الله يوم 4/5/2007 فى مدينة السيد الرئيس شرم الشيخ
والدعوة مش عامة خالص على فاكرة
يادوب السيد الرئيس والعيلة المالكة واعضاء لجنة السياسات (مجلس الحكم الجديد ويرئسها الوريث وتشكل 6 وزارات فى البلد واهم رجالهال احمد عز ملك الحديد )) ويادوب كام وزير كدا مقرب والباقى بقى يبقى يتفرج فيديوا على الفرح 0
طبعا كل حاجة جاهزة
القصر اتبنى من زمان والعفش خديجة هانم راحت جابته من ايطاليا مخصوص ( بنت محمود الجمال من اكبر رجال الاعمال فى مجال المقاولات وتبلغ من السن 21 عام فقط وتخرجت من الجامعة الامريكية ))
انما طبعا مش من حقك تقول منين دا كله ؟؟
القصر والمهر والشبكة والعفش الايطالى ؟؟
ومش من حقك تسأل هو الرئيس بياخد كام اساسا عشان دا كله ؟؟
ولا هو كان وارث الملك فاروق مثلا ؟؟
وطبعا مش لازم تعرف ان جمال مبارك يمتلك شركة فى امريكا يقدر رأسمالها ب750 مليون جنية ..
طبعا مش من حقك تسأل او تعرف حاجة .
انما تفتكر يا مواطن مين هيفرح للعريس من الشعب ؟؟؟
اهالى عبارة السلام 98 مثلا ؟؟؟
يمكن
عشان يخرجوا من حالة الحزب اللى هما فيها 0
اهالى قطار الصعيد ؟؟؟
ممكن
عشان يطفوا النار اللى جواهم (بحاجة ساقعة فى الفرح )
اهالى الاسرى فى سينا اللى دمهم راح هدر ؟؟
يمكن
عشان فى شرم الشيخ صهاينة لو قبلوا حد منهم ياخدو ا حقهم
طيب ممكن ال 9 مليون شاب وفتاه اللى تخطوا سن ال35 من غير جواز لحد الان ؟؟
يمكن عشان يقرصوا خديجة فى ركبتها فيحصلوها فى جمعتها
طب ممكن ال7 مليون شاب عاطل ؟؟
ممكن على اعتبار انهم ممكن يخدموا فى الفرح ويطلعوا بحسنة وانت عارف الظروف طبعا .
امممممممممممممممم
بس فى جماعة جايين طبعا اكيد
مبن ياترى ؟؟
اهالى ال16 الف معتقل
عارف ليه عشان اكيد اهاليهم مرتاحين منهم ومن قرفهم ومبسوطين الحكومة هى اللى بتتولاهم اكل وشرب وسكن
صحيح ممكن
على اى حال الدعوة مش عامة خالص زى ما قلت
ومش هينفع حد من دول يجى الفرح
ولا حتى ال30 % من الشعب اللى عندهم امراض الكبد المختلفة ولا حتى ال7% اللى عندهم فشل كلوى
مش هينفع خالص على فكرة
الفرح لرجال الاعمال فقط ورجال السلطة
عايز اقول حاجة اخيرة
بيقولا جمال هيكمل دينة
بس هيطلع دينا
بيقولوا محمد هنديى هيعمل دور عنتر ابن شداد
((( اذا كان سيف عنتر هيقع فى ايد هنيدى .. يبقى جمال مبارك هيجلس على كرسى جمال عبد الناصر ))
ولله الامر من قبل ومن بعد



منقول

دة بصراحة خبر استفزازى اوى
يعنى اما واحد يتجوز بملايين وناس تانية عايشة بملاليم
والمصيبة ان الفلوس دى خارجة من جيوبنا احنا
يعنى اما واحد كل مشكلتة انة عايز خمسة جنية ياكل عيالة يقرأ خبر زى دة تفتكرى هيكون شعورة اية
الوضع فى مصر من سئ لاسوء ومحدش عارف بكرة هنوصل لفين
ربنا يستر

اة طبعا عندى امل كبيييييييييييييييييير جدا
بس بجد يا ديدو الضغط بيولد الانفجار